ნინოწმინდა-საღამოს მაგისტრალზე ავტომობილი ბორდიურს შეეჯახა და გზიდან გადავარდა, რის შედეგადაც ერთი ადამიანი დაიღუპა და სამი დაშავდა. ინფორმაციას რადიო "ნორი" ავრცელებს.

დაშავებულების მდგომარეობა მძიმეა.

შემთხვევის ადგილზე მობილიზებულია სასწრაფო სამედიცინო დახმარების და პოლიციის ჯგუფები.

მომხდარ ფაქტზე გამოძიება სსკ-ის 276-ე მუხლის მე-6 ნაწილით დაიწყო, რაც მოძრაობის უსაფრთხოების და ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.