„მკაცრი ნაბიჯები უნდა გადავდგათ, ინფექციის გადაცემის შემთხვევები იზრდება", - ამის შესახებ ჯანდაცვის მსოფლიო ორგანიზაციის ხელმძღვანელმა ტედროს ადჰანომ გებრეიესუსმა განაცხადა.

ორგანიზაცია მოსახლეობას კვლავ ჰიგიენური ნორმებისა და კარანტინის დაცვისკენ მოუწოდებს.

„ახლა ყველაზე მთავარია ადამიანების სიცოცხლე გადავარჩინოთ. COVID- 19 არ ცნობს საზღვრებს, იდეოლოგიებს, პოლიტიკურ პარტიებს. გაიხსენეთ, რამდენად ხშირად იბანთ ხელს და იცავთ მინიმალურ ჰიგიენურ ნორმებს, ასევე სოციალურ დისტანციას. ინფექციის გადაცემის შემთხვევები იზრდება, მის წინააღმდეგ მკაცრი ნაბიჯები უნდა გადავდგათ", - განაცხადა ჯანდაცვის მსოფლიო ორგანიზაციის ხელმძღვანელმა.