საქართველოში მცხოვრებ ბავშვებში ტყვიის შემცველობის დონე განვითარებული ქვეყნების მაჩვენებელს 10-ჯერ აღემატება. ადამიანის ორგანიზმში ტყვიის შემცველობის სიჭარბე თანამედროვე მსოფლიოსთვის დიდი გამოწვევაა, თუმცა ეს საფრთხე გაცილებით მასშტაბურია ბავშვებში, რასაც უცხოური და ადგილობრივი კვლევებიც ადასტურებს. "იუნისეფმა" თავის ახალ ანგარიშში საქართველო იმ ქვეყნებს შორის დაასახელა, სადაც ბავშვების სისხლში ტყვიის შემცველობა ყველაზე მეტადაა გავრცელებული.