კორონავირუსის გავრცელების შემდეგ, ქვეყანაში სურსათზე ფასმა საკმაოდ იმატა და ინფლაციაც მიზნობრივთან შორიახლოსაც კი არ არის. მაღალი ფასები და მზარდი ინფლაცია შეინიშნებოდა ივლისშიც, როცა ზაფხულის პერიოდი ყოველთვის სიიაფით გამოირჩევა. საყურადღებოა, რომ წინა თვეში სურსათის ინფლაციამ 11.4% შეადგინა, რაც საკმაოდ მაღალი მაჩვენებელია. ახლა გასარკვევია, როგორი ვითარება იქნება წლის ბოლოსთვის, როცა ადგილობრივი აგროპროდუქტი ამოიწურება.