კორონავირუსის მოსალოდნელი მეორე ტალღა პროდუქტების მარაგის მხრივ პრობლემას ვერ შექმნის. როგორც დისტრიბუციის წარმომადგენლები, ასევე მწარმოებლები ირწმუნებიან, რომ არანაირი პირობა არ არის ქვეყანაში, რომელიმე პროდუქტის დეფიციტი გაჩნდეს, თუმცა, თუკი მოსახლეობა რეკომენდაციებს არ გაითვალისწინებს და მარაგის პანიკურად შექმნას შეეცდება, ყველაზე მძიმედ ფასებზე აისახება და ეს ტალღისებურ გაძვირებას გამოიწვევს. ამის ნათელი მაგალითი იყო წლის პირველ კვარტალში, როცა ეპიდემიის შიშით ხალხი მასობრივად მიაწყდა მაღაზიებს.