გადაუღებელი წვიმის შედეგად ახმეტის მუნიციპალიტეტის სოფელი ქასრისწყალი დაიტბორა, რომელიც ტერიტორიულად დედოფლისწყაროში მდებარეობს. სკოლის დირექტორ გიორგი ბუღრიძის ინფორმაციით, წყალი საჯარო სკოლის შენობასა და საცხოვრებელი სახლებში შევარდა. გადანაგურებულია საოჯახო ავეჯი და საყოფაცხოვრებო ტექნიკა.

„საკლასო ოთახები და პირველ სართულზე შენობის თითქმის ყველა ოთახი წყალში დგას,. საიდან მოვიდა ამხელა ღვარცოფი არ ვიცი, ასეთი რამ აქ არ მახსოვს. საშინელება ხდება. ახლა ვცდილობ საჯარო სკოლის ინვენტარი და შესაბამისი დოკუმენტაცია გადავარჩინო",- ამის შესახებ "ქრონიკას" სკოლის დირექტორმა განუცხადა.

ახმეტის მერიაში აცხადებენ, რომ ამ წუთებში ტექნიკის მობილიზება ოპერატიულად ხდება, რის შემდეგაც დატბორილ სოფელში შევა და სალიკვიდაციო სამუშაოს დაიწყებს.