ჯანდაცვის მსოფლიო ორგანიზაციის ევროპული ბიუროს დირექტორმა, ჰანს კლუგემ განაცხადა, რომ კორონავირუსი ტორნადოა, რომელსაც გრძელი კუდი აქვს და რომელმაც უფრო მეტი სიკვდილიანობა შეიძლება გამოიწვიოს.
ჰანს კლუგეს განმარტებით, ახალგაზრდებს შორის კორონავირუსით ინფიცირების შემთხვევების ზრდამ, შესაძლოა, მოწყვლად მოსახლეობას შორის ინფიცირებისა და სიკვდილიანობის მაჩვენებელი გაზარდოს.
„არ გვსურს ზედმეტი პროგნოზის გაკეთება, თუმცა ეს ერთ-ერთი სცენარია: რაღაც ეტაპზე ჰოსპიტალიზაციისა და სიკვდილიანობის უფრო მეტ შემთხვევებს ვიხილავთ", - აღნიშნა ჯანდაცვის მსოფლიო ორგანიზაციის ევროპული ბიუროს ხელმძღვანელმა.
ჰანს კლუგემ ხაზგასმით აღნიშნა, რომ არავინაა დაუმარცხებელი.
„შესაძლოა, ახალგაზრდები კორონავირუსისგან არ გარდაიცვლებიან, მაგრამ ეს არის ტორნადო გრძელი კუდით და ეს მრავლობითი დაავადებაა", - დასძინა მან.