ერთა ლიგის ახალი გათამაშების პირველ შეხვედრაში საქართველოს ნაკრები ესტონეთს სტუმრად დაუპირისპირდა და მეტოქე ანგარიშით 1:0 დაამარცხა.

მატჩის ერთადერთი ბურთი ნიკა კაჭარავამ 32-ე წუთზე გაიტანა. ესტონეთთან მატჩის შემდეგ ნაკრები ჩარტერული რეისით თბილისში დაბრუნდება. ერთა ლიგის მეორე ტურის შეხვედრას ვლადიმირ ვაისის გუნდი 8 სექტემბერს ჩრდილოეთ მაკედონიის წინააღმდეგ გამართავს.

ეს მატჩი დინამო არენაზე 20:00 საათზე დაიწყება. საქართველოს ეროვნული ნაკრები D ლიგაში წარმატებული ასპარეზობის შემდეგ C ლიგაში გადავიდა და მატჩებს 5 სექტემბრიდან 18 ნოემბრის ჩათვლით გამართავს. C ლიგის მეორე ჯგუფში ჩვენი გუნდის მეტოქე ჯგუფში ესტონეთისა და ჩრდილოეთ მაკედონიის გარდა სომხეთის ნაკრებია.