თამარ ბაჩალიაშვილების ოჯახის ადვოკატი, მიხეილ რამიშვილი თბილისის პროკურატურაში ადამიანის უფლებათა ცენტრის იურისტთან ეკა ქობესაშვილთან ერთად მივიდა. როგორც მედიასთან საუბარში ქობესაშვილი აცხადებს, ადამიანის უფლებათა ცენტრი ერთვება თამარ ბაჩალიაშვილის გარდაცვალებასთან დაკავშირებულ გამოძიებაში, რადგან მისი თქმით საქმეში ბევრი პასუხგაუცემელი კითხვაა.

დღესვე ის გაეცნობა საქმის მასალებს. რაც შეეხება მიხეილ რამიშვილის ვიზიტს საგამოძიებო უწყებაში, მისი განცხადებით, ამჯერად ის დრონით გადაღებულ კადრებს უნდა გაეცნოს.