გავრცელებული ინფორმაციის თანახმად, თბილისის 161 საჯარო სკოლაში სწავლა ოქტომბრამდე გადაიდო. აღნიშნულ თემასთან დაკავშირებით, "დაიჯესტს" სკოლის ადმინისტრაციაში უთხრეს, რომ ეს დეზინფორმაციაა.

მათივე ინფორმაციით, 161 საჯარო სკოლის მოსწავლეები მე-6 კლასიდან მე-12 კლასის ჩათვლით დისტანციურად ისწავლიან. მიზეზი ინფრასტრუქტურული სამუშაოების მოგვარებაა. ამ ეტაპზე სკოლაში მიმდინარეობს საპირფარეშოების რემონტი, რის გამოც მოსწავლეების ნაწილს, მე-6 კლასიდან ზევით, სწავლა 15 სექტემბრიდან დისტანციურად დაეწყება.