ეს ციფრი არ არის ის, რომელიც საგანგაშო სტატისტიკაზე მიუთითებს, მაგრამ ჩვენთვის ნამდვილად რეკორდული მაჩვენებელია, - ამის შესახებ ინფექციონისტმა, მაია ბუწაშვილმა კორონავირუსის დღევანდელ შემთხვევაზე საუბრისას განაცხადა.
„უკვე ვხედავთ არაკონტროლირებად გადაცემას, რადგან ყველა ინფიცირებულის არსებულ წყაროსთან მიკუთვნება ვერ ხერხდება, ეს ის სიტუაციაა, როდესაც შეგვიძლია ვთქვათ, რომ ბოლომდე ყველა კლასტერის კონტროლი ვერ ხერხდება და ამიტომ, სავარაუდოა შემთხვევათა აღმავლობა, თუმცა ეს მოსალოდნელი იყო, რადგან ამას მსოფლიოს ქვეყანათა უმრავლესობა ვერ ასცდა.
საქართველო კუნძულია არ არის, ის მსოფლიოს ნაწილია და თუ სხვა ქვეყანაში მიმდინარე პანდემიაა, ჩვენ ვერ დავრჩებოდით მწვანე ზონად", - განაცხადა ინფექციონისტმა „ტვ პირველთან".