უკრაინის ყოფილ პრეზიდენს პეტრო პოროშენკოს რამდენიმე დღის წინ კორონავირუსი დაუდასტურდა. როგორც ადგილობრივი მედია იუწყება, ქვეყნის ექსპრეზიდენტის მდგომარეობა მძიმეა და ის გუშინ ორმხრივი პნევმონიის დიაგნოზით საავადმყოფოში მოათავსეს.

„ჩემი მეუღლე გადარჩენისთვის იბრძვის და სურს, მალე დაამარცხოს ვირუსი. ის ექიმების ყველა მითითებას ასრულებს, რათა ეს ყველაფერი მალე დამთავრდეს“ - განაცხადა ყოფილმა პირველმა ლედიმ მარია პოროშენკომ.