თბილისი ცენტრალში მდებარე ე.წ. ოქროს ბირჟა 2 კვირით დაიკეტა. გადაწყვეტილება დირექტორმა, ეთერ ყიფიანმა მიიღო.

როგორც მან განაცხადა, ბირჟის რამდენიმე თანამშრომელი კორონავირუსით არის ინფიცირებული და დროებით დაკეტვის გადაწყვეტილება სწორედ ამას უკავშირდება.

"იმუნოლოგებთან გავიარეთ კონსულტაცია და ამის შემდეგ გადავწყვიტეთ, რომ ბირჟა ორი კვირით დაგვეკეტა. ყველა თანამშრომელი გადავა თვითიზოლაციაში", - ამბობს ეთერ ყიფიანი.