თბილისის 52-ე სკოლის მოსწავლეს კორონავირუსი დაუდასტურდა. სკოლის დირექტორის, ნანი გიორგაძის განცხადებით, მეექვსეკლასელის დაინფიცირების წყარო მისი ძმაა, რომელიც ერთ-ერთ ორგანიზაციაში მუშაობს.

მოსწავლეს სკოლაში ორშაბათიდან აღარ უვლია, ვირუსი კი მას დღეს დილით დაუდასტურდა. როგორც დირექტორი აცხადებს, ეპიდემიოლოგებს არც კლასის და არც სკოლის სხვა მოსწავლეების ან პერსონალის იზოლაციაში გადასვლის რეკომენდაცია არ გაუციათ.

სკოლაში სადეზინფექციო სამუშაოები ჩატარდა.