აზერბაიჯანის პრეზიდენტი ილჰამ ალიევი მთიანი ყარაბაღის რეგიონიდან სომხეთის ძალების გაყვანის გრაფიკს ითხოვს. მისი თქმით, გრაფიკი ეუთო-ს მინსკის ჯგუფის თანათავმჯდომარეებმა უნდა დაამტკიცონ.

„ჩვენ უნდა წარმოგვიდგინონ ოკუპირებული ტერიტორიებიდან სომხეთის ჯარების გაყვანის გრაფიკი, რომელიც უნდა დაამტკიცონ მინსკის ჯგუფის თანათავმჯდომარეებმა, შუამავალმა ქვეყნებმა", - წერს აზერბაიჯანის პრეზიდენტი ილჰამ ალიევი სოციალურ ქსელ „ტვიტერში".

აზერბაიჯანის ლიდერის განცხადებით, ცეცხლის შეწყვეტის შეთანხმების მიღწევა შეუძლებელია ცალმხრივად, ეს უნდა იყოს ორმხრივი გადაწყვეტილება და ერთობლივად უნდა შესრულდეს.

მთავარი გზავნილია სომხეთისთვის - ჩვენ არ ვართ სომხურ მიწაზე, ჩვენ საკუთარ მიწაზე ვართ" , -წერს ალიევი.