სავაჭრო ცენტრი "თბილისის ცენტრალი" დაიკეტა. გავრცელებული ინფორმაციით, ადგილზე სადეზინფექციო სამუშაოები მიმდინარეობს, რის გამოც ორი დღის განმავლობაში სავაჭრო ცენტრი ფუნქციონირებას წყვეტს.

„დღეს 9 ოქტომბერს 12-13 საათიდან სავალდებულოა ჩატარდეს სავაჭრო ცენტრში სრული სადეზინფექციო სამუშაოები, რომელიც მოითხოვს ცენტრის ყველა სავაჭრო ობიექტის დახურვას, ვაჭრობის და სამუშაოების დროებით შეჩერებას 2020 წლის 12 ოქტომბრის დილის 09:00 საათამდე,"- აღნიშნულია განცხადებაში.

ცნობისთვის, "თბილისი ცენტრალში" არსებულ "ოქროს ბირჟის" რამდენიმე თანამშრომელს კორონავირუსი დაუდასტურდა.