დედაქალაქის მერს შესაძლოა მალე საკრებულოში მისვლა და დეპუტატების კითხვებზე პასუხის გაცემა მოუწიოს. უმცირესობა ამისათვის ხელმოწერებს აგროვებს. დამოუკიდებელი დეპუტატის, ალეკო ელისაშვილის ინიციატივას "გაერთიანებული დემოკრატები" და "ნაციონალური მოძრაობა" უკვე შეუერთდნენ. გადამწყვეტი სიტყვა "თავისუფალ დემოკრატებს" ეკუთვნით და თუ არსებულ 10 ხელმოწერას მათი ოთხიც შეემატება, ნარმანია იძულებული გახდება საკრებულოში რიგგარეშე სხდომაზე მივიდეს.