იური ვაზაგაშვილის მკვლელობის ადგილზე, გამოძიების მონაცემებით, რამდენიმე ადამიანის დნმ-ის კვალია აღმოჩენილი. აქედან დადგენილია, რომ ერთ-ერთი ეკუთვნის ქალბატონს, რომლის ბრალეულობაც მომხდარ მკვლელობაში არ დადასტურდა. თუმცა, ვაზაგაშვილების ადვოკატის გაგი მოსიაშვილის განცხადებით, აფეთქების ადგილას ნაპოვნია კიდევ ერთი დნმ, რომლის მფლობელსაც შესაძლოა, მკვლელობასთან ჰქონდეს კავშირი. დაღუპულის ახლობლები კი ამასთან დაკავშირებით საკუთარ ეჭვებზე საუბრობენ და კონკრეტულ სახელსა და გვარსაც ასახელებენ.