ფოთის პორტის თანამშრომლებს ანაზღაურების მიღება დოლარის კურსის მიხედვით სურთ. აღნიშნული მოთხოვნით მათ ერთსაათიანი გამაფრთხილებელი აქციაც გამართეს და პორტის ადმინისტრაციაში ოფიციალური წერილი შეიტანეს. დაახლოებით ერთი კვირის წინათ ანალოგიური მოთხოვნა ფოთის სხვა ტერმინალის მუშებმაც დააყენეს, თუმცა მათ აქცია არ გაუმართავთ. როგორც პროფკავშირების თავმჯდომარის მოადგილე გოჩა ალექსანდრია აცხადებს, დოლარის კურსის მიხედვით ხელფასის მიღების სურვილი მხოლოდ ფოთში არ აქვთ. რამდენიმე დღის წინ პროფკავშირებს კონსულტაციისთვის მუშებმა თბილისშიც მიმართეს.