ბენზინის გაძვირების კვალდაკვალ საავტომობილო გაზიც გაძვირდა - 1 კბ/მ ფასი უკვე 1,25 ლარია. სპეციალისტების განცხადებით, ბუნებრივი აირისა და თხევადი საწვავის ფასს შორის სხვაობა იმდენად მცირეა, რომ ავტოგაზის მოხმარება უკვე აზრს კარგავს. აქვე უნდა ითქვას ისიც, რომ ბოლო დროს მუდმივად ძვირდება ნავთობპროდუქტები. გუშინ ბენზინი კიდევ 5 თეთრით გაძვირდა და არ არის გამორიცხული, ტენდენცია ისევ გაგრძელდეს.