საქართველოში უმუშევრობის დონე ქაღალდზე შემცირდა. სტატისტიკის ეროვნული სამსახურის მონაცემებით, 2013 წელთან შედარებით, შარშან დასაქმებულთა რაოდენობა 2,2%-ით გაიზარდა და უმუშევრობის მაჩვენებელმა 12,4% შეადგინა. მთავრობა კმაყოფილია, სპეციალისტები კი მიიჩნევენ, რომ ქვეყანაში დასაქმების მხრივ მდგომარეობა ისევ მძიმეა. იმის გამო, რომ ქვეყნიდან 1,5 მლნ ადამიანია გასული, ხოლო თვითდასაქმებულთა წილი 60%-ს აჭარბებს, ქვეყანაში რეალური უმუშევრობის დონე 40-45%-ის ფარგლებშია.