მთავრობამ ეკონომიკის ზრდის პროგნოზი 2%-მდე დაიყვანა და ბიუჯეტი სწორედ ამ პარამეტრის მიხედვით შეიკვეცება. განახლებული ბიუჯეტის საბოლოო ვარიანტი ფინანსთა სამინისტრომ 10 ივნისამდე უნდა წარმოადგინოს. მთავრობაში ირწმუნებიან, რომ ძირითადად ადმინისტრაციული ხარჯები შეიზღუდება. თუმცა აღსანიშნავია, რომ სახელმწიფო უწყებების ნაწილი გამოყოფილ თანხას ახლაც ვერ ითვისებს. ეს იმას ნიშნავს, რომ ბიუჯეტის ხარჯვით ნაწილში ისევ პრობლემებია.