საბიუჯეტო პრობლემების ფონზე, სახელმწიფო უწყებები ქამრებს, შემოჭერის ნაცვლად, უფრო აფართოებენ. სამინისტროები პრემიებს სახელფასო დანამატებით ანაცვლებენ და საბოლოო ჯამში, უფრო მეტ ანაზღაურებას იღებენ, ვიდრე პრემიების გამოწერისას. რეგიონებში კი არც პრემიის გამოწერას ერიდებიან და არც სახელფასო დანამატისას. 2012-14 წლებში თვითმმართველობებში პრემიისა და სახელფასო დანამატის სახით 100 მილიონ ლარზე მეტი გაიცა.