"თურქულ ნაკადთან" დაკავშირებით რუსეთში გაურკვევლობაა. რუსული მედია წერს, რომ თურქეთის ენერგეტიკისა და ბუნებრივი რესურსების მინისტრ ტანერ ილდიზსა და "გაზპრომის" ხელმძღვანელ ალექსეი მილერს შორის ოთხშაბათს გაზსადენთან დაკავშირებით დაგეგმილი შეხვედრა ჩაიშალა. მიზეზი გახდა ის, რომ ტანერ ილდიზი რუსეთში არ ჩავიდა. აღსანიშნავია, რომ ევროკავშირი ცდილობს, თურქეთს ამ პროექტში მონაწილეობა გადააფიქრებინოს.