პარლამენტის საფინანსო-საბიუჯეტო კომიტეტში 2015 წლის ბიუჯეტის ცვლილებებზე შემაჯამებელმა სხდომამ დეპუტატების გარეშე ჩაიარა. ქვეყნისთვის ამ მნიშვნელოვანი დოკუმენტის განხილვას მარტოოდენ რამდენიმე დეპუტატი ესწრებოდა. რამდენიმე წუთი დაეთმო იმის გარკვევას, თუ რა რჩევას აძლევდნენ მთავრობას ეროვნული ბანკის ხელმძღვანელები მათ მიერ მომზადებულ რებუსებით მოცულ დასკვნაში, რომელსაც პოლიტიკური ელფერი დაჰკრავდა.