წლევანდელ ზაფხულის სეზონზე შიდა ავიამომისვლა აქტიურ ფაზაში შედის. მოთხოვნა და ამასთანავე მიწოდებაც გააქტიურებულია. დაემატა ახალი აეროდრომები. ავიაკომპანიებმა, მათ შორის ეროვნულმა ავიალაინერმა, გაზარდა შიდა რეისების სიხშირე. ამასთან, მოიმატა მგზავრთა ნაკადმაც. მოთხოვნა ყველა მიმართულებით გაზრდილია, თუმცა მგზავრთა აქტიურობით ბათუმი გამოირჩევა, რადგან აჭარის მიმართ ტურისტების ინტერესი ცხელ სეზონზე განსაკუთრებით მაღალია. ამაზე მეტყველებს ტურიზმის ეროვნული ადმინისტრაციის მონაცემებიც. ჯერ მარტო მიმდინარე წლის იანვარ-მარტში აჭარაში 38 ათას 546 ვიზიტორი იმყოფებოდა.