საგარეო სავაჭრო ბრუნვაში საქართველოს პოზიცია შესუსტდა. 2015 წლის პირველ 7 თვეში ქვეყნის საგარეო ვაჭრობის მაჩვენებელი, წინა წლის ანალოგიურ პერიოდს 14%-ით ჩამორჩება. სპეციალისტებს არ აქვთ მოლოდინი, რომ წლის ბოლომდე ქვეყანა ამ მაჩვენებლების გაუმჯობესებას შეძლებს. ეროვნული ვალუტის სტაბილურობა კვლავ კითხვის ნიშნის ქვეშაა, სამომხმარებლო ტარიფი ძვირდება და დიდად სახარბიელო არც საერთაშორისო ტენდენციებია, რაც მცირე ქვეყნების სავაჭრო ბრუნვის მაჩვენებლებზე უარყოფით ასახვას პოულობს.