ბანკების ზედამხედველობის სააგენტოს შესაქმნელად პარლამენტი პრეზიდენტის ვეტოს დაძლევას კვირის ბოლომდე შეეცდება. უკვე ცნობილია, რომ ოპოზიცია ამ პროცესს მხარს არ დაუჭერს. "თავისუფალი დემოკრატები" კი ვეტოს დაძლევის შემთხვევაში საკონსტიტუციო სასამართლოში აპირებენ ჩივილს. "ბიზნეს-რეზონანსის" ინფორმაციით, ბანკების ზედამხედველობის სააგენტოს ხელმძღვანელებად ეკონომიკის მინისტრი გიორგი კვირიკაშვილი და საპარტნიორო ფონდის ხელმძღვანელი ირაკლი კოვზანაძე განიხილებიან.