ივლის-აგვისტოში, წინა წლის ანალოგიურ პერიოდთან შედარებით, საქართველოში ავტომობილები 5-10%-ით გაიაფდა, ხოლო რეალიზაცია 40-45%-ის ფარგლებში შემცირდა. ავტომობილების ბაზარზე არასახარბიელო ტენდენცია სავალუტო რყევას უკავშირდება. დილერები არ მალავენ, რომ ნაწილმა ფარხმალი დაყარა. მათი შეფასებით, ავტომობილების ჩამოყვანამ აზრი დაკარგა და მოგების ნაცვლად, გაკოტრების ზღვარზე აღმოჩნდნენ.