დღეს სტარტს აიღებს მსიოფლიო თასის გათამაშება რაგბიში. მსოფლიო სარაგბო ფორუმი ინგლისი-ფიჯის მატჩით 23:00 საათზე გაიხსნება, ხვალ კი საქართველოს ეროვნულ ნაკრებს პირველი შეხვედრა აქვთ ტონგასთან, რომელთანაც "ბორჯღალოსანთა" ხელმძღვანელობა მატჩის მოგებას გეგმავს. ჩვენი ბიჭები გლოსთერთან ახლოს, ჩელთნემში დაბინავდნენ, სადაც ტონგასთან მატჩამდე დარჩებიან. თამაში კი თბილისის დროით 15:00 საათზე გლოსტერში, "ქინქსტომ სთეიდიუმზე" შედგება.