მოგების გადასახადის სტრუქტურაში, შესაძლოა, ცვლილებები შევიდეს და არსებული სისტემა ესტონური მოდელით ჩანაცვლდეს, რაც განაწილებული მოგების დაბეგვრას ითვალისწინებს. როგორც ფინანსთა სამინისტროში აცხადებენ, ამ დროისთვის უწყება აღნიშნულ საკითხზე აქტიურად მუშაობს, დამატებითი დეტალები კი ცნობილი მოგვიანებით გახდება. განაწილებული მოგების დაბეგვრის სისტემის შემოღებას დადებითად აფასებენ ეკონომისტები და ბიზნესმენები და აცხადებენ, რომ ეს ქვეყანაში რეინვესტირების სტიმულირებას შეუწყობს ხელს.