სოლოლაკში, ინგოროყვას 18 ნომერში მდებარე 145 წლის სახლი, რომელიც ისტორიული ძეგლის სტატუსს თავისი უნიკალური არქიტექტურის წყალობით ატარებდა, ერთ მშვენიერ დღეს ცემენტით გადაილესა. ავარიული შენობის ნაწილის შეკეთება საკუთარ თავზე მთაწმინდის გამგეობამ აიღო და შედეგად, სახლის ნახევარი კვლავ ძველებურ სახეს ინარჩუნებს და, შესაბამისად - ისტორიული ძეგლის სტატუსსაც. ნახევარი კი - უბრალოდ ცემენტითაა გალესილი.