საქართველოს ფეხბურთის ფედერაციის საპრეზიდენტო არჩევნებამდე სულ უფრო მცირე დრო რჩება და სიტუაციაც უფრო მეტად იძაბება. ჯერ იყო და 24 კლუბს უფლება არ მისცეს სფფ-ს წევრობაზე, აღმასკომმა ილია კოკაიას ქართულ ფეხბურთში საქმიანობა აუკრძალა, ახლა კი სპორტული დავების განმხილველი ტრიბუნალის ხელმძღვანელი ზურაბ ბიწაძე თანამდებობიდან მოხსნეს. როგორც ბიწაძემ ჟურნალისტებთან საუბრისას განაცხადა, მისი გათავისუფლება აღმასკომის ჩარევით მოხდა.