"ყაზტრანსგაზ-თბილისის" ყაზახური მენეჯმენტი კომპანიაში დაბრუნებას სასამართლოს გზით აპირებს. ამასთან, შუა აზიელი ინვესტორები საქართველოს მთავრობას ულტიმატუმს უყენებენ, რაც განხორციელებული ინვესტიციების ანაზღაურებას გულისხმობს. უფრო ადრე კი "ყაზტრანსგაზის" მმართველები კომპანიის გაყიდვითა და ინვესტიციების გატანით დაიმუქრნენ. ამ დაპირისპირების მიზეზი არის ის, რომ დავალიანების გამო ყაზახები "ყაზტრანსგაზ-თბილისის" მართვას ჩამოაშორეს.