რუსული გაზის საქართველოში შემოსვლასთან დაკავშირებით ვნებათაღელვა არ ცხრება. საკითხი როგორც მოსკოვში და თბილისში, ასევე ბაქოშიც აქტუალობას არ კარგავს. საქართველოს ენერგეტიკის მინისტრი "გაზპრომის" ხელმძღვანელს კიდევ ერთხელ შეხვდა და რუსული აირის მოცულობის გაზრდაზე და კომერციული გაზის მოწოდებაზე ესაუბრა. "სოკარი" ამ ურთიერთობაში საგანგაშოს ვერაფერს ხედავს. კომპანიაში აცხადებენ, რომ "საქართველოსთვის ბუნებრივი აირის მიწოდების სფეროში არავითარი პრობლემა არ არსებობს".