ზამთრის საბურავებზე მოთხოვნა, შარშანდელთან შედარებით, ნაკლებია. იმპორტიორებისა და მოვაჭრეების ინფორმაციით, თითქმის ყველა დასახელებისა და კატეგორიის საბურავების გაყიდვა 15-20%-ით შემცირდა. რაც შეეხება ფასს, როგორც ახალი, ასევე მეორადი საბურავების ღირებულება, დაახლოებით, 5-10%-ის ფარგლებშია მომატებული. იმპორტიორთა თქმით, საბურავების გაძვირება ლარის გაუასურების გამო მოხდა. ისინი იმედოვნებენ, რომ მომხმარებელი საბურავების აქტიურად ყიდვას ნოემბრის ბოლოდან შეეცდება და რეალიზაცია გაუმჯობესდება.