თურქეთული კურორტების ჩაკეტვის შემდეგ, რუსეთის ტურისტული კომპანიები ალტერნატიულ გზებს ეძებენ. ბოლო პერიოდში რუსი ტურისტების ზრდა შეინიშნება ისრაელში, არაბთა საემიროებში, საბერძნეთსა და ტაილანდში. ასე რომ, მომავალ ზაფხულს თურქეთზე "გულაცრუებული" რუსი ტურისტების ჩამოსაყვანად ქართველ ტუროპერატორებს დიდი ძალისხმევის გაწევა მოუწევთ, ვინაიდან ზემოთჩამოთვლილ ქვეყნებში დასვენება, გაცილებით იაფია, ვიდრე საქართველოში. მთავრობის სტრატეგიით კი, რამდენიმე წელიწადში, საქართველოში ვიზიტორთა რაოდენობა 11 მილიონამდე უნდა გაიზარდოს.