რუსეთში თურქეთის მიმართ დაწესებულმა ემბარგომ ქართული პროდუქტის ექსპორტზე საგრძნობლად იმოქმედა. გადამზიდავების ინფორმაციით, ბოლო 1 კვირაში რუსეთის მიმართულებით ექსპორტი 25-30%-ით გაიზარდა. ცვლილება, ძირითადად, აგრარულ პროდუქციას შეეხო. მოთხოვნა იმდენად დიდია, რომ რუსი იმპორტიორები უკვე თავად ჩამოდიან საქართველოში და ადგილზე ცდილობენ გასატანი საქონლის მოძიებას.