ერთწლიანი გაუფასურების შემდეგ ეროვნული ვალუტა ბოლო რამდენიმე კვირაა სტაბილურობას ინარჩუნებს. გუშინ ლარი მცირედით გამყარდა კიდეც და ერთი დოლარი 2,3949 ნიშნულზე დაბალანსდა. სპეციალისტების თქმით, იმ შემთხვევაში, თუ სებ-ი მის ხელთ არსებულ ყველა ბერკეტს გამოიყენებს და სავალუტო ინტერვენციებსაც განახორციელებს, ეროვნული ვალუტა აღარ გაუფასურდება. თუმცა რა ნიშნულზე დაბალანსდება ლარი მომავალი 2-3 თვის განმავლობაში, ამის ზუსტი პროგნოზირება საბანკო სფეროს სპეციალისტებს უჭირთ.