საგარეო საქმეთა მინისტრის მოადგილის პოსტზე დავით ზალკალიანის დაბრუნების შემდეგ კულუარებში კოალიციისა და "თავისუფალი დემოკრატების" შერიგებაზე ალაპარაკდნენ. ამგვარი ხმების გავრცელებას ფრაქცია "ქართული ოცნების" წევრი ომარ ნიშნიანიძეც ადასტურებს, "თავისუფალი დემოკრატები" კი კატეგორიულად უარყოფენ, ირწმუნებიან, რომ საარჩევნო მარათონში დამოუკიდებლად, ყოველგვარი კოალიციის გარეშე ჩაერთვებიან.