გერმანიის მთავრობა ლტოლვილთა ნაკადის შემცირების მიზნით ე.წ. უსაფრთხო ქვეყნების სიის გაფართოებას და მასში საქართველოს შეყვანას გეგმავს. უსაფრთხოდ აღიარებული ქვეყნიდან ჩასულ მოქალაქეებს კი გერმანიაში თავშესაფარს ბევრად უფრო რთულად მისცემენ. თუმცა, გადაწყვეტილებას უფრო სწრაფად მიიღებენ და თუ აქამდე სტატუსის ან უარყოფითი პასუხის მისაღებად გერმანიაში ქართველ მიგრანტს თვეობით ლოდინი სჭირდებოდა, ახლა ეს დრო რამდენიმე დღემდე შემცირდება.