ირანისთვის სანქციების მოხსნამ საერთაშორისო ბაზარზე ნავთობის ღირებულება კიდევ უფრო შეამცირა. გუშინ ერთი ბარელი შავი ოქროს ფასი 27-28 დოლარის ფარგლებში მერყეობდა. მიუხედავად ჭარბი ოდენობისა, თეირანი უახლოეს პერიოდში ბაზრისთვის დღიურად დამატებით 500 ათასი ბარელის მიწოდებას გეგმავს, რაც ანალიტიკოსების ვარაუდით, ნავთობს კიდევ უფრო გააუფასურებს. მისი ფასი, შესაძლოა, გასული საუკუნის 90-იანი წლების მინიმუმს - 17-18 დოლარსაც კი მიუახლოვდეს.