ქუთაისის აეროპორტს 2015 წელს მგზავრთა ნაკადი შეუმცირდა. საქართველოს აეროპორტების გაერთიანებაში ამის მიზეზად მხოლოდ "ვიზ ეარის" შეფერხებით მუშაობას ასახელებენ, მაგრამ სხვა ავიაკომპანიების შემთხვევაშიც პასიურობა შეინიშნებოდა. მაგალითად, "ბელავიამ" 2015 წელს საერთოდ გააუქმა ფრენა ქუთაისიდან. განსხვავებული მონაცემებია თბილისის, ბათუმის და მესტიის აეროპორტებში. იქ მგზავრთა ნაკადი, 2014 წელთან შედარებით, გაზრდილია. ავიაკომპანიების წარმომადგენლებმა და საქართველოს აეროპორტების გაერთიანებამ "რეზონანსთან" სამომავლო გეგმებზე ისაუბრეს.