საქართველოს ენერგოსექტორისთვის საჭირო მოცულობის გაზის მიღების პერსპექტივა ისევ უცნობია. "გაზპრომთან" მოლაპარაკება გაგრძელდება, მაგრამ როდის, არ ვიცით. ენერგეტიკის სამინისტროს "შაჰ-დენიზის" კონსორციუმის იმედიც აქვს, მაგრამ რამდენად საიმედოა ეს იმედი, არ ვიცით. ცნობილია მხოლოდ, რომ კერძო სექტორს, მათ შორის თბოსადგურების მფლობელებს, ალტერნატიული, დამატებითი გაზის წყარო სჭირდება.