ექსპორტის მაჩვენებელი 2011 წლის დონეს დაუბრუნდა. ფაქტობრივად ქვეყანას, ამ მიმართულებით 5-წლიანი უკუსვლა აქვს. მიზეზად კი, საქართველოს სავაჭრო პარტნიორ ქვეყნებში ვალუტების დევალვაცია და ეკონომიკური ვარდნა განიხილება. სპეციალისტების აზრით, თუკი მთავრობა ბიზნესთან მჭიდროდ ითანამშრომლებს, წელს ექსპორტი მცირედით გაიზრდება, თუმცა სერიოზული წინსვლა მოსალოდნელი არ არის.