საბანკო სფეროს სპეციალისტები გიორგი მარგველაშვილს არჩევანს უწონებენ. პრეზიდენტის მიერ ეროვნული ბანკის საბჭოს კანდიდატად კობა გვენეტაძის წარდგენას ეკონომიკურ წრეებში დადებითი გამოხმაურება მოჰყვა. საპარლამენტო უმრავლესობას ამის აღიარება უჭირს და კანდიდატის შეფასებისას დუმს. სპეციალისტები კი ამბობენ, რომ გვენეტაძის დანიშვნით ეროვნული ბანკის ახალ სისტემაზე გადასვლის რეალური შესაძლებლობა გაჩნდება.