იმ შემთხვევისთვის, თუკი საქართველოს თავშესაფრის მაძიებელი უცხოელი დევნილები მასობრივად მოაწყდებიან, მათთვის სპეციალურად ახალი სტატუსის - დროებითი დაცვის ქვეშ მყოფი პირის სტატუსის შემოღება იგეგმება, რომლის მიხედვითაც, მინიმუმ 1 წელი ასეთი პირები საქართველოში იცხოვრებენ, მაქსიმუმ კი იმ დრომდე, სანამ საკუთარ ქვეყანაში ვითარება არ დასტაბილურდება. კანონპროექტი უკვე არსებობს და მას მალე პარლამენტშიც შეიტანენ.