დიასპორის საკითხებში სახელმწიფო მინისტრ გელა დუმბაძის განცხადებით, საფრანგეთში ლევილის მამულის ("ლევილის ქართული სავანე") საქართველოსთვის გადმოცემის საკითხზე მხარეებს შორის მოლაპარაკება მნიშვნელოვან ფაზაშია გადასული. საბოლოო გადაწყვეტილებას ქართული მხარე წლის ბოლომდე ელოდება, რისი წინაპირობაც, მისი აზრით, უკვე არსებობს. ამბობს, რომ პირველი რესპუბლიკის მეთაურთა ანდერძის თანახმად, მამული საქართველოს უსასყიდლოდ უნდა გადმოეცეს, საამისოდ კი ხელისუფლება ყველა ღონეს მიმართავს.