სსიპ „ტექნოლოგიური განვითარების ფონდის" სასწავლო ცენტრში პროექტის "პროფესიული სამყარო" ფარგლებში მორიგი ტრენინგ-კურსი დაიწყო. თბილისის სტუდენტთა უფასო სწავლება 10 დღის განმავლობაში გაგრძელდება.

„პროფესიული სამყარო" დედაქალაქის მერიის სსიპ „ტექნოლოგიური განვითარების ფონდის" ერთ-ერთი მიმდინარე პროექტია, რომელიც მიზნად ისახავს ახალგაზრდების დასაქმების ხელშეწყობას, მათთვის მრავალფეროვანი ტრენინგ-კურსების შეთავაზებას, პოტენციურ დამსაქმებლებთან შეხვედრების ორგანიზების, სტაჟირებისა და მოხალისეობის უზრუნველყოფას.

პროექტში მონაწილეობის მსურველ ახალგაზრდებს აპლიკაციის შევსება ფონდის ფეისბუქ გვერდზე (https://www.facebook.com/techdevelopmentfund/app/866167523421931/ შეუძლიათ.