საქართველოს ისტორიაში არაერთხელ ყოფილა ჟამი, როცა ცოდვა-მადლი არ განირჩეოდა, როცა ცეცხლის კალოდ ქცეული ჩვენი ქვეყნის ყოფნა-არყოფნის საკითხი წყდებოდა, სწორედ ასეთ დროს იბრძოდნენ ადამიანები, რომლებიც თავიანთი რწმენის, იდეალების, მამულისათვის ირჩევდნენ სიკვდილს. ასე იყო მე-17 საუკუნეშიც, როცა საქართველოს მძიმე განსაცდელი დაატყდა თავს და იგი სპარსელთა სათარეშოდ იქცა.